Лента событий ВААК
АААК апресс-центр аҟны Аԥсны аҿар еидгылақәа рхаҭарнакцәа ирԥылеит
Адунеизегьтәи аԥсуа-абаза конгресс Аҿар реизҳареи абаҩрҵәыреи рыҟәша ҩаԥхьа Аԥсны аҿар еидгылақәа рхаҭарнакцәа ирԥылеит. Аиԥылара иалахәын: Акультура аминистрра, Аҭоурыхтә ԥсадгьыл ахь архынҳәразы аҳәынҭеилакы, Аҿар русқәеи аспорти рзы аҳәынҭеилакы, Аҟәа ақалақь аҿари аспорти рызҵаарақәа рзы аусбарҭа, Аԥсны иҟоу Россотрудничество аҟәша, Аԥсны аҿар рассоциациа "Аԥеиԥш", Асоциалтә платформа "Аԥсны аԥеиԥш", Ауаажәларратә аҿар хеилак "Абиԥара ҿыц", иара убас "Аԥсны агвардиа ҿа" ахаҭарнакцәа.
Аиԥылара алахәцәа русеицура иалацәажәеит, еицымҩаԥыргаша арҿиаратә, асоциалтә проектқәа ирзааҭгылеит. АААК ахаҭарнакцәа иазгәарҭеит аҿар рхеилакқәа реимабзиара аҵак ду шамоу аҿар реидкылара аус аҿы.
Ауаҩы раԥхьатәи ацхыраара иҭара иазку атренинг Мықә имҩаԥысит.
Аконгресс иацнаҵоит Аԥсны ақыҭақәа рҿы ашколхәыҷқәа раԥхьатәи ацхыраара аҟаҵашьа дырбара. Убас, изаамҭанытәиу атренинг мҩаԥысит ́Мықә ақыҭан. Ари аус иадыԥхьалаз Аҭагылазаашьа ҷыдақәа рзы аминистрра аспециалист Индира Амҷԥҳа ахәыҷқәа ирзеиҭалҳәеит ауаҩы иԥсы маҷхазар, дыблызар, ак ицҳазар, ишьа цазар, ма ибаҩ ԥҵәазар раԥхьатәи цхыраарас иҭатәу. Идлырбеит агәы амассаж иашаны ишыҟаҵатәу.
АААК раԥхьатәи ацхыраара аҟаҵаразы атренинг мҩаԥнагеит Ҭхьына ақыҭан.
Аҵареи, асоциалтә ҿиареи, агәабзиарахьчареи рыҟәша ауаҩы раԥхьатәи ацхыраара иҭаразы атренинг мҩаԥнагеит Ҭхьына ақыҭа ашколхәыҷқәа рзы. Аҭагылазаашьа ҷыдақәа рзы аминистрра аусзуҩ Индира Амҷԥҳа еиҭалҳәеит еиуеиԥшым ахҭысқәа раан ауаҩы ишицхраатәу. Аҵаҩцәагьы ирдыруа рҳәеит, анаҩс иддырбеит агәы амассаж шыҟаҵатәу, ахәра шҿаҳәатәу, абаҩԥҵәа ишазнеитәу.