Лента событий ВААК
Санкт-Петербург имҩаҧысит Алиса Гыцҧҳа еиҿылкааз аицлабра алауреатцәа злахәыз агала-концерт
Санкт-Петербург Екатерина леизарҭа азал Ду аҿы имҩаҧысит Алиса Гыцҧҳа еиҿылкааз жәларбжьаратәи амузыкатә еицлабра алауреатцәа ргала-концерт. Алахәҩцәа ирыдгыларазы арахь имҩахыҵит аҧсуа-абаза диаспора ахаҭарнакцәагьы. Адунеизегьтәи аҧсуа-абаза конгресс агәыҧ ахантәаҩы Муса Хабал-иҧа Егзакь ихьӡала Алица Гыцҧҳа илырҭеит ашәҭшьыҵәра, иҭабуп ҳәа ларҳәеит акультура аҟәшаҿы Урыстәылеи Аҧсни русеицура арҿиараҿы ллагалазы.
Алиса Гыцҧҳа - Урыстәыла зҽаҧсазтәыз артист, Аҧсны жәлар рартист, Москватәи амузыкатә театр "Геликон-Опера" асолистка.
Алиса Гыцҧҳа еиҿылкааз Жәларбжьаратәи амузыкатә еицлабра раҧхьаӡа имҩаҧган 2022 шықәсазы, Урыстәылатәи Афедерациа Аҧсны Аҳәынҭқарра азхаҵара жәыхә шықәса ахыҵра инамаданы.
Аицлабра мҩаҧысуан Урыстәылеи Аҧсни жьҭаарамза 15 2023 шықәса инаркны 26-нӡа. Анаҩс, хәажәкырамза 10 Санкт-Петербург имҩаҧысит аицлабра алауреатцәа ргала-концерт.
«Аԥсуара амҩахәасҭақәа» рцикл: Варлам Карамзиа иҿцәажәара.
Ажурналист Екатерина Бебиа лавтортә программа «Аҧсуара амҩахәасҭақәа» рцикл анҵамҭаҿ диҿцәажәоит Варлам Карамзиа. Анҵамҭа ҟаҵан 2009 шықәсазы.